The Tumbler – Good Vibes 550ml

На залиха

Good Vibes – чиста доза оптимизам. Весел колаж од тропско овошје, виножита, сладоледи и инспиративни зборови што ќе ти го разубават денот. Сè блеска во живи бои и разиграни форми – како летна плејлиста претворена во илустрација. Невозможно е да останеш рамнодушен. Зашто понекогаш е доволно само тоа: многу сонце , позитивна енергија и животот да го сфатиш со насмевка.

Eddie Baehr е современ илустратор и дизајнер од Франција, познат по својот ведар и разигран ‘визуелен’ јазик. Неговото творештво е препознатливо по динамичните композиции, живите бои и хуморот што го внесува во секое дело. Еди успева да долови чиста радост и безгрижност, создавајќи светови полни со фантазија, симболи и неочекувани детали.

Инспириран од природата, поп културата и детската љубопитност, тој често комбинира тропски елементи, апстрактни форми и ликови со изрази кои „живеат“ на платното. Без разлика дали работи на модни дезени, пакувања, постери или канцелариски материјали, секој негов проект носи автентичност и нескротлива енергија.

Од неговото студио во срцето на Франција, Еди секојдневно создава нови универзуми каде боите говорат, формите танцуваат, а секој детал раскажува приказна.